I schau in mei Börsa'l, sogoa de Mott'n san furt, de haum sich Woi denkt, "Nix zum hoin aun dem Uart.“ Im Kühschraunk, nur Echo, und a einsauma Tölla. Ned amoi mehr Erdäpfen, oder Zwiefen I'm Kölla. A boar Münzn hob i, in da Couch Ritzn g’fundn, des reicht grad fia a Semmerl, so kumm i nie übad Rund'n. Bis'd Sunn wieda aufgehd und da Erschte am Plan stehd. Zu Blöd das Zeit - ohne Göd, laungsaum vagehd... Am End vom Göd is no vü Monat übee. Mia reichad a Kilo, brauch ka Goid und ka Süber. Am Ende vom Göd zahd se es Monat no sehr. Mei Konto im Minus, und a de Spor-Sau ist leer. Am End vom Göd is no vü Monat zum sehg'n. Do frog mi ehrlich: Wie soi ma des überstehn? Jo, wie soi ma des ohne Koi'n überstehn? Schuid is d'Gier von de Bonz'n, de Inflation is a Witz. Da Stoot wü mei Gerscht'l, de Situation "Knopf auf Spitz" ! Und Überhaupt, ist des.Lebm, heitzutog fü zu teia. Ma braucht fost an Kredit, fia a sechsabox Eia. De Stromrechnung wochs'd, de Miete schreit „Zoin!“ I brauch nur a Marie, weus de aundan woin... Fos'd hed i Woos g'erbt – oba wor zum Onkel forsch. Hob earm zu Lebzeit'n g'sogt, er is ein knausriga Oasch! Am End vom Göd is no vü Monat über. Mia reichad a Kilo, brauch ka Goid und ka Süber. Am Ende vom Göd zahd se es Monat no sehr. Mei Konto im Minus, und a de Spor-Sau ist leer. Am End vom Göd is no vü Monat zum sehg'n. Do frog mi ehrlich: Wie soi ma des überstehn? Jo, wie soi ma des ohne Koi'n überstehn? Franzl, no a Runde fia de gaunze Partie! Schreib's auf – i zoi murg'n, oba vielleicht a nie! Des letzte Hemd, Habara, des hod kahne Tosch’n. Drum sauf ma auf Kreide – stöh her no a Flosch'n! Lebend kummt - kahna-auße, do hühft a ka Göd. Heite loss'mas uns Guad'geh, wos kost de Wöd... Am End vom Göd is no vü Monat über. Mia reichad a Kilo, brauch ka Goid und ka Süber. Am Ende vom Göd zah'd se es Monat no sehr. Mei Konto im Minus, und a de Spor-Sau ist leer. Am End vom Göd is no vü Monat zum sehg'n. Do frog mi ehrlich: Wie soi ma des überstehn? Jo, wie soi ma des ohne Koi'n überstehn? Franzl, Hearst, könntest ma.du unter Umständ... A du bist a Floch? Na guad... Dann schreib den Doppler a no auf... Eh scho wuascht....
