Gschafft is es Es is gschafft, des Jahr is um und um is des wos unsre Freiheit ausgmacht hod. Es wurd gschafft, ja sie ham es gschafft des Deutschland abz`schaffen, des ih von kloa auf kennt hob. Ih hob des no kennt, dass de Fetzen gflogn sand, dass ma sich Meinungen, Ansichten und sonstwos um d`Ohren ghaut hod, laut und stark war`s. Es war doch klar, de warn für des und de anderen strikt dagegen. Ja ma hod moi gsogt "Ihr könnt`s uns moi." Ma hod gstreikt und die Lager warn erkennbar, ma hod gwusst wos jeder woit, niemand hod mit de Pseudo-Behauptungen umanandaghaut. Ja des war de Zeit wo ih als Christ um den Preis des Ignoriertwerdens in allem kritisiert wurd und ma hod doch weiter glabt wos ma glabt hod. Es is gschafft, ma is in a Eckerl gstellt vom Einheitsbrei derer, de unwidersprocha uns song woin, wos mia zu moana ham. Wos ham diese Menschen für a Sozialisierung ghabt, warn de in am Menschenzoo, sand de durch und durch dressiert worn, hod ma do des Hirn auf Durchzug programmiert? Liabe Leut, es is gschafft, Danke dass es immer no Leut gibt, de sich dem Meinungs- und Glaubensregime nicht gebeugt ham. Danke an die Mutigen, de sich erlauben, ihre Meinung deutlich zu verkünden und wenn`s ah der letzte Schmarrn is. Guat so, ghört ah dazua, es menschelt hoid. Soi ih wos zuletzt no song, ih glab ih bin a Indianer, ja so a indigner Ureinwohner, der ned im Reservat irgendeiner Ideologie verrotten möcht. Ih mog ned mit a paar Vergnügungen bestochen im hintern Eckerl meines Verstandes so doa, als ob ma ned des Einfachste versteht, nur dass der Lügenturm unserer ach so Gscheiden und Guadn stehn bleibt. Ih bin und bleib a unbequemer Typ, a boarischer Indianer vom Stamm der Querulanten. Schod, nur oans hob ih ned gschafft, mit dem Meinen mehr nach draußen z`kemma. Aber ih sog`s moi mit den Worten des ehemaligen Intendanten des Bayerischen Rundfunks Gruber, "Wir werden alles von Ihnen ignorieren, ja wir werden Sie nicht mal ignorieren." Oh oh, des riecht so ganz nach "Sie schaffen das, so wie sie so vieles und viele geschafft haben die nicht im Karusell der erlaubten Meinung und Kritik Platz genommen haben." Jawohl es muass scho erlaubt sei Meinung z`ham und Kritik z`üben. Ih mach weiter und sog, "Hau, ih hab gschrieben wos ih ah sonst sog und wem`s ned passt...passt scho, es gibt gnuag Konforme, de peinlich drauf achten, immer schön auf Linie zu bleim. Auf das Jahr zweitausendsechzehn, das war`s". Roland, a boarischer Dichter
