Im Cafe Guglhupf - 04.03.2020

Im Cafe Guglhupf Do im Cafe Guglhupf do war ih scho als junger Mo, so um de fuchzehn Jahr war ih do. Es war immer scho a gemütliches Cafe. In dem Cafe do hob ih gern ah Berliner Weiße trunga und dann is es zu meiner Schreibleidenschaft kemma. Ah do hob ih im Laufe der Zeit immer wieder do herin wos gschrieben. Es war immer scho so a Ruhepunkt in München, ah Stadt de immer hektischer und urbaner wirkt. Do herin is de Zeit stehn blieben, do herin is ois blieben wias war und des is guad ah so. Ih muass schmunzeln, lustige Faschingsdienstagsnachmittage hob ih do herin erlebt. Für mi is des Cafe Guglhupf so wias is Kulturgut. Ih dats fast unter Denkmalschutz setzen und des samt original Eismaschine. Wos hob ih do scho guade Eisbecher gessen. Mei Fazit, immer wieder am Stammplatz und Block und Füller raus.