Hoaße Gedanken - 07.02.2008

Hoaße Gedanken Wenn da koid is ko ma song „nacha mach da a paar hoaße Gedanken“. Wenn da koid is, is eihoazn ohgsogt, aber es ko oan ah koid sei wenn`s eigentlich warm is. Warm um`s Herz wenn`s is, kemma de hoaßn Gedanken wia von selber…oder ah ned. Wia ma`s nimmt oder wia`s ohkimmt. Hoaße Gedanken hoaßn no lang ned, dass hoaß zuageht oder geh werd, es ko ja ah dro sei moi ganz nüchtern auf so an Gedanken zu reagiern. Ganz ruhig bleim, ned mehr draus macha ois wos is, es werd ja nix so hoaß gessen wia`s kocht werd. Oan hoaßn Gedanken hätt ih jetzt. Na ned wos Sie von mir unterstellt mir unterstellend denkn kanntn, datn oder sogar dachtn. Ih dat jetzt so gern im warmen sei, von da Sonne ohgstrahlt und hoaß dat`s ma um`s Herz wern. Wenn des koa hoaßa Gedanke is.