الدايم الله باقي ويفنى غيره والموت في الخلايق حقٌّ من تدبيره الدايم الله سبحانه وعلاه شانه هو اللي خلق آدم ورفع مكانه هو اللي بعث فينا رسول هدانا واللي تبعه يبقى سليم ضميره هو اللي بفضله كل خير عطانا وإن جاتك مصيبة جاب لك تصبيرة جيناكم نعزّي والقلوب حزانا مقاهير كي قهرة عرب هالجيرة وكي قهرة الصالحين في وديانه والفارس وخيه والعمار صغيرة وغَرقة عرب درنة وهي غفلانة شالهم طوفان في ليلةٍ عسيرة فيها عزاء للي فقد حبانه كمين ألف ضاعوا في وقتٍ قصيرة ومطرًا عرب غزة وهي غلبانة ماتوا من الجوع ومن التهجيرة هذا حال الدنيا تجي مليانة وتفرغ ولا ترد الشيرة عزا بدمع متخلط أكتب ديوانه والعزا واحد والكل عشيرة وإن شاء الله الملقى في نعيم جنانه بجوار الرسول وكل صاحب خيرة عليه الصلاة والسلام أمانة على عدد رملة في أسيوف سريرة
