Hass Knopf Wenn ih jetzt in so an sozialen Netzwerk wär, bin ih ned, ih mog`s liaba Face to Face, dann dat ih so an Knopf meng. Hass, ma redt doch sovui von Hass heutz`tag, dass ma ah a bisserl mitredn mog. Ned liken, hassen is ohgsogt. Ih red von Jesus, da ander mog`s ned, Hass Knopf tätigen und scho hod sich jemand seines Hasses entledigt. Ah wenn er den weiter bhoit, wurscht is, mi juckt des ned. Die Meinung is frei. Wenn jetzt welche Meinung ah immer und wenn`s no so obdraht ist, geächtet wern soi, dann versteh ih de Leut ned, haut`s an Hass Knopf drauf und guad is. A Meinung is a Gedanke und mia ham doch koane Gedankenverbrechen, oiso Meinungsverbrechen. Oiso ih hass ah, ehrlich, es gibt Sachan de ih sowos von hasse und Sie glam`s ned, andere leiken und lieben es. Schau, des nenn ih Freiheit.
