So einfach So einfach derf`s ned sei, wenn`s so einfach wär, aber so is es ned, sogt olle Welt. Und wenn`s doch so einfach is? Wenn ma aber ned derf? Na so einfach is ned, ma derfat scho, ma ko bloß ned, weil sovui dagegenspricht, dass einfach sei derf. So einfach, song ma doch moi einfach nur die Wahrheit, einfach nur wos wahr is. Woher soit ma einfach nur die Wahrheit wissen, gar kenna? Do fangt`s scho oh. So einfach, do dat ja am End jeder... ...und genau des geht doch ned. Jeder, des ko doch einfach ned gwollt sei. Die so einfach uns die Welt verkompliziern, gar mit uns im Krieg stehn... So damit Schluss, des is für uns z`kompliziert. Ganz einfach, die denken für uns, entscheiden für uns und zur Not muass ma einfach dro glam und des moan ih so einfach wia ih`s sog. Dro glam.
