
(Chorus) I bin scho a bissal skeptisch (skeptisch) siacht mi da köna eh do gaunz hint am eck tisch.(am eck tisch) i sitz scho laung und mecht gern wos bestön, (wos bestön) nur er schaut afoch net her, mit seiner top frisiert'n dauerwön. (Verse) er flitzt hin und her, und wirkt fost a biss'l hektisch. und übaroi schaut a hi, nur net zu mir do hint am eck tisch. i schau erm immer noch , und wort auf an klanen blick kontakt, ober i siach nur, dass er kassiert, und der anen de schpeise kort'n zagt. (Chorus) I bin scho a bissal skeptisch (skeptisch) siacht mi da köna irgendwaun do hint am ecktisch.(am ecktisch) i sitz scho laung und mecht gern wos bestön, (wos bestön) jo a seital und a schnitz'l, des wa jetzt so richtig schön. (Verse) jetzt hob in scho a poor minut'n gor net g'seng. oba ana jammert grod zu seiner frau, sei saft'l beim schweinsbrod'n wird erm gaunz sicha zwen'g. und a gratt wie da köna wieda aussakummt, geht a glei zu erm, und a aundra braucht a wossa schiss'l für sein hund. und wie i erm deit, von meim tisch do hint am eck, is a oba a glei scho wieda weck. (Chorus) I bin scho ziemlich skeptisch (skeptisch) siacht mi da köna irgendwaun do hint am eck tisch.(am eck tisch) i sitz scho laung und mecht gern wos bestön, (wos bestön) mei hunga und mei durscht dan mi scho ziemlich gwöhn. (Solo) (Verse) doch wie a wieda aussa kummt schaut a zum glick endlich zu mir her. und er mant, er muß oba nu schnö in d'küch, wei er hot des extra saft'l vagess'n, und er wort jo scho so laung der herr. jo wort'n dat i jetzt eigentlich a scho a klane ewigkeit. ober i gib erm nu a schauns, wei i hob mi jo scho so auf mei bier und auf mei schnitz'l gfreit. und wie a endlich zu mir kummt, und frogt mi wos i mog, mant a glei, des s'schnitzl is heit scho aus seit'm frühen noch mittog. i sog daun zu erm, waunsd ka schnitzl host, daun brauch i oba a ka bier. dau n schau i jetzt wo aundas hi, auf a schweins schnitz mit da goid panier (Chorus) Jo i wor eh so richtig skeptisch (skeptisch) ob i a schnitz'l kriag, do gaunz hint am eck tisch.(am eck tisch) Jetzt sitz i scho so laung do deppat umanaund, (umanaund) oba im nächst'n lokal sitz i mi daun irgendwo in'd mitt'n, und auf kan foi mehr am raund. Wei daun bin i a nimma skeptisch (skeptisch) wei i sitz daun in da mitt'n und nimmer gaunz hinten an am eck tisch. Uh.. ahh.. aaahh.. und jetzt gfrei i mi scho so, und heit gönn i ma noch'm schnitz'l, a zweites bier a no. Ahhh..

