(en dis waar, en dis 'n leuen, en albei is waar) ek projekteer: ek werk baie flink ek het die beddegoed gewas, ek het reg geëet ek het 'n boek gekoop met 'n zen tipe omslag en dit langs my bed gelos 'n bybel vir iemand wat nie glo nie ek projekteer: ek is weer sosiaal ek het gesê "ek's eintlik oukei" in 'n stem wat hulle geglo het en op pad huis toe, iewers by 'n robot, het ek jou vergeet vir agt hele sekondes 'n deurbraak, sê my terapeut 'n deurbraak en dis 'n roete met bordjies en dis 'n roete met myle en almal ken die pad en almal ry dit stukkend draai links by aanvaarding ry reguit deur die niks en jy kom uit en jy kom uit by dieselfde stom kruising ek projekteer: ek sal opsluit jou naam uitmekaar trek soos 'n horlosie op 'n tafel, elke rat apart elke belofte 'n veertjie wat nie meer span nie en ek sal uitwerk presies waar dit stukkend is en dit sal steeds nie werk nie nog steeds nie werk nie maar dinsdagaand, by die verkeerde liedjie in die verkeerde winkel, staan ek stil tussen die pakke beskuit met 'n hoopvolle mandjie in my hand en die rakke lyk skielik ekstra groot ekstra groot en toring bo my uit en dis 'n roete met bordjies en dis 'n roete met myle en ek het elke een gery en ek het elke een gemerk draai links by aanvaarding ry reguit deur die niks en jy kom uit en jy kom uit waar jy begin het dit gaan beter dit gaan beter dit gaan elke dag 'n bietjie beter 'n bietjie 'n bietjie 'n bietjie (en dis waar, en dis 'n leuen, en albei is waar)
