老婆，我失戀啦 Re. ▙ ▚ ▛ 3ugenT x MusicFoMoh x Wes_Lin知微光▜ ▞ ▟

老婆…… 我有件事……要同妳講…… 妳唔好打我住…… 我仲未講到重點…… 老婆，我返到屋企啦 唔好問我點解喊到似隻蝦 今日公司冇炒我 冇人欠我錢 係我個心……畀人擺咗上花車先至大鑊呀！ 我暗戀咗佢十幾年 連佢生日都記得清清楚楚 佢今日著婚紗　笑到好燦爛 新郎唔係我　呢個世界真係好殘酷！ 我冇拖過佢手 冇錫過佢面 連同佢食餐飯都要靠幻想兌現 但我真心㗎！我對天發誓！ 我只係望過佢張相 幻想過同佢去旅行 連酒店都未訂過 點解已經要接受失戀嘅判刑？ 老婆！我失戀啦！ 我個夢中情人今日嫁咗啦！ 我連第三者都未做過 已經收到人生嘅紅色炸彈啦！ 老婆！妳聽我講啦！ 我對佢嘅愛全部放喺心裡面㗎！ 我冇出軌！我只係個腦 間中去咗隔離屋住兩晚咋！ 老婆！我失戀啦！ 可唔可以畀我喊多兩聲呀？ 我知妳先係我合法伴侶 但今晚可唔可以唔好叫我洗碗呀！ 我承認我有幻想 幻想佢煮飯　幻想佢幫我執房 幻想佢話我係全世界最靚仔 我幻想過同佢去北海道 一齊睇雪　一齊飲酒 但現實係我連日本都未去過 張信用卡仲欠緊三萬幾蚊未找數！ 佢嫁咗個高大威猛嘅男人 我望住張相　差啲暈低落地 人哋有樓有車有腹肌 我得一肚腩同一個月供手機！ 我唔係話妳唔好 妳煮嘅飯真係全世界最好 但點解人哋結婚我會心痛？ 老婆…… 其實有件事…… 我未講…… 我仲未同佢講過一句「我愛妳」。 我以為愛情係一場馬拉松 點知我連起跑線都未掂到 我以為自己係深情王子 原來只係個買唔起戲飛嘅觀眾！ 夢中情人今日做咗人哋老婆 我今晚返嚟做返妳個老公 人生最痛唔係愛而不得 係聽朝起身仲要幫妳倒垃圾！ 老婆！我失戀啦！ 我個夢中情人今日嫁咗啦！ 我連第三者都未做過 已經要喺屋企寫悔過書啦！ 老婆！妳唔好打啦！ 我以後唔睇佢婚紗相啦！ 老婆…… 我知錯啦…… 不過……