Die Sunn brennt her, es is a wahre Procht da Oba bringt's Bivo es is koid, und er locht. Des Tischtuach ned ranzig Dr de Krone von heit, es herrscht unerträgliche Gemütlichkeit. I schau mi um doch find beim best'n Wühn nix. nirngs'd a Bahö, jo Sakrahax'n, Kruzifix... Des is vadächtig, des is fost scho vahöhnung. Olle Schaßfreindlich, Quasi "Beleidigung mit Tönung" . Waun ollas passt, passt erst recht wos ned. weu des haast, dass es Unglick vur da Haus-tia steht. Wann olles passt, bin i erst recht brennhaaß. Weu da Teife, der schloft ned, wia a jeda waaß. Gibt's nix zum Raunz'n, g,spia i a leere in mia. I suder, oiso bin i – is a Leitspruch von mia! Daham is es aa, a Katastroph'n. Mei Oide red ned z'ruck, biglt und kocht. Und gestan hod's ma gauns ohne Grund, afoch nur so, an Budding g'mocht! Die Gschroppen haum nur Ansa, Rahman's Zimmer z'saum. Und de Bißkur'n von Tia Vier kaun plözlich frein'dlich schaun.. Sogor ihr Flohdack'n, is heite stüh. Des is fia meine Nerven, afoch zu vü. Es rennt olles g’schmiert, Nix zum beklog'n. Des gefährded mei G'sundheid, des schlog't ma aum Mog'n... Waun ollas passt, passt erst recht wos ned. weu des haast, dass es Unglick vur da Haus-tia steht. Wann olles passt, bin i erst recht brennhaaß. Weu da Teife, der schloft ned, wia a jeda waaß. Gibt's nix zum Raunz'n, g,spia i a leere in mia. I suder, oiso bin i – is a Leitspruch von mia! Na wos soi i eich sog'n schlimma gehd imma. De Zoin in da Zeidung, des kaun afoch Ned stimma. I vagleich’s mit mein Schein – ans, zwa, drei, via, fümf, sechs! A SEXA IM LOTTO! Des is wia verhext! Jetzt bin i G'stopft, und g'stopfte haum's schwer jetzt kumman de Neider und d’Vawandtn daher. A Wahnsinn, a Ölend, i bin g’stroft mit dem Göd. Mei schwärzesta Tog. Des hod ma no g'föd... Da Ober kummt her, er stolpert, er fliagt mei neiche Hosn hat a volle Ladung Wosser kriagt. Mei Disch wird zum See, meine Tschick wer'n zum Floos. Es rinnt ma in'd Schuach, es is koid, es is noss! „Na endlich... geht doch. I hab ma scho Surg'n gmocht.“ Waun ollas passt, passt erst recht wos ned. weu des haast, dass es Unglick vur da Haus-tia steht. Wann olles passt, bin i erst recht brennhaaß. Weu da Teife, der schloft ned, wia a jeda waaß. Gibt's nix zum Raunz'n, g,spia i a leere in mia. I suder, oiso bin i – is a Leitspruch von mia!
