Da kurze Weg Wahrheit is da kurze Weg und auf m langa Weg is scho vui der Wahrheit zruckbliem. Da kurze Weg is der Weg, da ma koa Blattl vor`n Mund nimmt. Mit da Wahrheit ko ma ganz sche auf die Schnauzn foin. Da kurze Weg is, wenns um d`Wahrheit geht, meist da konsequenteste. Die Wahrheit braucht de verlogenen Umwege ned, weil in den Lügen kimmt ma auf solche Irrwege, dass der grode Weg der Wahrheit unglaublich erscheint, so einfach kos und derf s doch ned sein. Eine Wahrheit gibt`s doch heut nicht mehr, sagens, deswegen is der schmale Weg der Wahrheit so klar und übersichtlich. Da kurze Weg der Wahrheit is unbequem, unbequem für solche Leut, dies gwohnt sand, schlingelschlangel auf den breiten Spuren der Welt spaziern zu gehn.
