Mei Minni (Alles Gute zum Geburtstag) - 10.07.2007

Mei Minni Alles Gute zum Geburtstag Jetzt sand ma miteinander zwoaraachtzig Jahr, des wenn ma moi alloa sand, dann wern ma oid ausschaun. Es schaut no so nach Liebe aus, dass ih ma gar ned vorstelln ko, nur scho a bisserl mehr als die Hälfte eines jeden Lebens von uns zwoa ohne sie glebt z`ham. Mei Minni und ih, mia sand ganz klar ein Wir, manchmoi dickkopfad und ah a bisserl rupfad, aber dann doch wieder wia füreinander gschaffn. Unsere Tour durch`s Leben hod a Zeit erreicht, wo des Du und Ih scho so verschwomma is, dass egal wos mia machan mia uns als uns sehn. Wos dat ih ohne mei Minni? Ih wär nur a Hoibata und im Herzn bestimmt scho doppelt so oid. Jetzt sand ma miteinander genau zwoaraachtzig, jeder hod sei Hälftn dazua beitrong. Und wahrlich hob ih Respekt vor`m Alter, ah wenn mei Minni a bisserl mehr als zwoa Monat jünger is als ih.