Wos wuist hörn? Wos wuist hörn von mia? Wenn ih des song dat wos`d hörn wuist von mia, dann wär ih ja nimmer der der sogt, wos er sich denkt. Dann wär ih damit beschäftigt, hören z´müssen wos ma dann von mia zum song verlangen dat. Des hör ih ned so gern, weil dann bräucht`s mi gar ned, dann könntst da de Plattn selbst auflegen de`d hörn mechst. Wos wuist hörn von mia? Ah wos, des mogst eh ned hörn, aber warum werd ma dann laufend drängt? Wennst ned des sogst wos ma hörn mecht, dann kennan mia ned zuhörn, werd gsagt. Des ko ma doch unerhört ned verlangen, aber hörn wuist von mia, oder täusch ih mi?
