Spozal Es foit koa Vogel vom Himmel ohne dass da Herr ned woaß. Olle meine Haare sand zählt und selbst de von meiner Frau und des sand ned wenig. S`Spozal find klaone Krumen, es macht des wos ko und es geht um s`Fressen und sonst ned recht vui. Wia gnädig is z`wissen, dass ma in Gottes Hand is, er woaß ois, er wacht über mi, do ko ma nur mit Dank lebn. Und kemman de Schläge des Lebens, dann sand`s Anschläge gegen des Guade, ja gegen de gfundenen Krumen, de ma wia da Spoz findt, doch mehr is ned, denn des Leben an sich is festgschriem in Gottes Hand. Wenn ma nur in Jesus sei ganzes Vertrauen setzt, Spozal do ko ih fröhlich pfeifen, egal wos im Leben daherkimmt.
