Und jetzt bleibst do Wia de kemma is hod sie sich ned denkt, dass do bleim werd. Gmoant hod`s, sie kannt kemma, wia sogt ma, ach ja wia so a Tourist. Auf alle Fälle kemma is und dann war`s do. De is umanandagstiegen als wern mir Papageien. Des san mir ned und mir meng`s eigentlich gar ned, wenn`s uns so ohgaffa. Verstehen`s, mir sand doch ned im Museum. Des sagen`s oft, de ghöratn in a Museum. Do kenna`s sich selber neistellen, mir brauchan unsere Freiheit. Diese Frau, wia de kemma is, hat`s sich gedacht, auf unserer Freiheit ko ma rumspazieren. Wia`s nacha gmoant hod, es glangt, ham mir uns gedacht, jetzt zoagt da Papagei wos des hoaßt, als Museum zu leben. Dann hod`s gmoant, ach des hätt ihr Leben so bereichert und dass in Zukunft ganz anders leben werd und ja so begeistert is, vielleicht schreibt sie ein Buch über das Leben unter uns. Denkste, de Tage bei uns werd`s nia vergessen. Auf Wiedersehen hod`s gsagt und mir ham`s an d`Hand gnomma, große Frau du bist mehr als ein Gast, du bleibst bei uns, du sollst wirklich eine von uns werden. De hod gmoant mir macha a Gaudi. Mir macha doch koa Gaudi. Mir ham dem Fahrer gsagt, kost fahrn, weil de bleibt do. De bleibt do, hod er gsagt, ja de werd a weng mehr als a Touristin. Am Anfang hod`s glabt, des wär jetzt die besondere Ehrerbietung, wenn`s zu an hintern Stamm von unseroans Abgelegenen derf. De werd Augen macha, weil`s do bleibt, nix mehr Tourist, der mach ma d`Augen scho auf. Der Papagei spricht nämlich ah sei eigene Sprach. Zerst wern ma`s moi entzivilisiern, mir wern`s moi in unser Leben einebringa. Schaun`s, am Anfang hod`s große Augen gmacht, ob sie wirklich diese Ehre ham derf. Sie ko scho ihren Urlaub no um a paar Wochan verlängern, unbezahlt geht des scho. Mir verlangan nix, wenn`s bei uns lebt hod ah sie ihren Platz. Kummbleibstdo hoaßt`s bei uns. Sie soitn`s moi sehn, de Kummbleibstdo hätt sich des nia dacht, a Tourist is hoid koa Ureinwohner. De andere Art zu leben, hod jetzt wieda so a Tourist gsogt, er mechat de Leut bei sich dahoam uns näher bringa. Der Papagei mog aber ned überall leben, der kannt ah dobleim, de Frau dat sich freun und erna Leben derfan`s bei uns vergessen, bei uns werd anders glebt.
