Wer bin ih ned Ja wer bin ih ned. Derf ih mi vorstelln wia ih mi ned vorstell. Sie wissn ned, ob ih Manderl oder Meiberl bin, weil ih bin`s sowohl als auch. Um aller Vorteile wegen sog ih`s ned, ih hob an Migrationshintergrund, ah wos, ih bin doch sowieso a Weltbürger. Und a Land, an Staat, ah ih bin a ... des gibt`s und derf`s lang scho nimmer für mi als Steuerzahler gebn. Ih bin da, red ma scho drüber, von da Hautfarb so wia ih mi fühl. Manchmoi ärger ih mi schwarz und dann bin ih vor Schreck wieder kreidebleich. Ih bin ned wos ih bi, dass sie moanatn wer ih sei soit. Ih sprech alle Sprachen dieser Welt und dat ih von Hartz und Kohle lebn, mei Beruf is scho lang koa definition mehr. Ih hab ein Recht und das hab ih drauf, auf ois wos ih ned scho bin. Grenzen weg, ih bin grenzenlos, für mi zählt s`oide Rock`n Roll Motto Sex, Drags an Rock`n Roll und das Wort eines oidn Magiers unserer Unkultur. Mach wos`d wuist, das is das ganze Gesetz. Mach ih und des bin ih ah, wos ih wui. Song`S nia zu mir, der is ja oder die... es kannt dem Gefühl zuwiderlaufen und mi damit diskriminiern. Ih bin wer ih ned bin und olle mitanand sand ma ah no irgendwer in da Welt. Wer bin ih ned? Des war no ned des letzte Wort zu mir, von mir. Entschuldigen`S, ih muass mi meiner Frau zuwenden, de woaß manchmoi ah ned wer ih bin. Wer bist denn? sogt`s. Recht so, do denk ih grod drüber nach. Drüber, versteh ma uns?
