Wenn koana wos sogt Wenn koana wos sogt, dann werd wer laut song wos z`doa is und dann sog moi wos wos di ohgeht, wenn`s ned interessiert wos`d zum song hättst. So geht`s immer zum End vom Liad, dass ma nur nach da Pfeiffn tanzn derf, nach der ma eigstellt is. Do lach ned, weil wenn doch, dann lacht der für den du nach da Pfeifn tanzt. Wenn koana wos sogt werd`s immer lauter bei dene de s`Song ham und da bledste Spruch seit Generationen lautet „Wos wui ma song?“ Mia song doch eh nichts und für des geht`s no grod so wia`s geht, weil mia no a bisserl vom Gsogtn von gestern zehrn.
