Wos nei soit Wos nei soit. Ih woaß ja ned wos nei soit. Wos soit bloß nei? Ja auf alle Fälle soit moi nei und des ko ma ned oft gnuag song… Wenn des ned neikimmt, dann frog ih Eahna, wos is dann überhaupt drin. Wos is bloß ois drin wos gar ned nei soit? Ja des is jetzt mei Meinung. Wos hod do ois drin nix verlorn wos ois drin is. Wia gsogt, mei Meinung is ned drin, weil soit de drin sei, dann wär`s ja gar nimmer ohne mei Meinung. Und Eahna Meinung, ja wos dat de do drin? Wos, unser Meinung soit drin sei? Mei sand Sie naiv. „Eahna, meine, unsere,“ es reicht doch scho, wenn drin is wos drin is und des song`s uns wos drin is. Wos nei soit, des is die große Frage. Aber frong ma ned so lang, des wos drin is soi uns alle Fragen beantworten und ah de Fragen de mia gar ned gstellt ham. Wos Sie song`s ah, wos ois drin is, wos ois nei soit. Sie ham`s aufgem, wos nei soit kimmt eh ned nei, nur erlaubt is die Hoffnung, dass no wos kimmt, wos ma drin scho längst erwart hod. Bis dahin vui Spaß, ah ohne Spaß mit dem wos dro und mit dem wos drin is.
