Wo wärn ma denn heut? ...mia hättn ned den Euro, koane Null Komma...auf`m Konto für`s Sparn. Ja wo wärn ma denn heut, wenn ma die Europäisch-demokratische Diktatur ned hättn? Mia datn no wia im Zwanzigsten Jahrhundert uns überlegen müssn, a sechzig oder a hundert Watt Glühbirne. Gar ned auszudenken wo mia heut wärn, wenn wia no nia da Wähler die Wahl hätte und hod er a Wahl, werd de Wahl totgredt oder in die indiskutable Ecke gstellt. Wo wärn mia heut, wenn mia ned unsere Souveränität oder des wos mia als des verstehn an a Clique von Hinterzimmermöchtegern-Demokraten abgebn hättn? Wo wärn mia denn heut, wenn`s ned nur Politiker gäb, de Politik als Machtmöglichkeit begreifen, sondern wirklich nur zum Wohl des Volkes, Volk Ihgittigitt, Bürger? Wo ist die nächste Ecke, wo das Schreikissen? Wo wärn mia denn heut, ja no vui schlimmer, wo käm ma denn hin? Mia kemma sowieso, ob mia woin oder ned do hin.
