An wos denkt An wos ham`S grod denkt? Ih denk... Ja an wos hob ih grod denkt? Ih überleg ja zurzeit ollweil hin und her, an wos ih grod denka soit. Wenn ih ma denk, wos ih grod so denk, denk ih moi, soit ma des jetzt denken? So einfach denken derf ma doch heut gar nimmer. Wehe Sie datn sich wos denken und des Gedachte datn`S dann so von sich gebn und song, ih hob ma denkt... und es dat sich rausstellen, des derfat ma sich gar ned denken, garned auszudenken. Weil dann is Schluss mi`m Ausdenken, dann gedenkt ma Eahna. Des derfst ned denken. Ih frog mi bloß wia ma heut gar so vui Scheren in de Köpf neibringt, vor allem selbstneidenkt, vorgedenkt neigedenkt.
