Rehte Minne (Dû bist mîn) [Veldeke-Version]

Mittelhochdeutsche Texte zusammengestellt von :: CJ Ray :: H e i n r i c h v o n V e l d e k e Rechte Minne [Text ca. 1170-1190] Unbekannter Verfasser Dû bist mîn [Text Ende 12. Jahrhundert] ** Das Glück der Minne ** [1] In den tîden van den jâre dat dî dage werden lanc énde dat wéder weder clâre, sô ernouwen openbâre mérelâre heren sanc, dî uns brengen lîve mâre. gode mach hers weten danc dê hévet rehte minne sunder rouwe ende âne wanc. [2] Ich wil vrô sîn dore here êre dî mich hevet dat gedán dat ich van den rouwen kêre dê mich wîlen irde sêre. dat is mich nû sô ergân: ich bin rîke ende grôte hêre sint ich muste al umbevân dî mich gaf rehte minne sunder wîc ende âne wân. [3] Dî mich drumbe willen nîden dat mich lîves ît geschît, dat mach ich vele sáchte lîden, mîne blîtscap nît vermîden ende enwille drumbe nît nâ gevolgen den unblîden, sint dat sî mich gerne sît dî mích dore rehte minne lange pîne dolen lît. ** Der Liebesschwur ** Dû bist mîn, ih bin dîn. des solt dû gewis sîn. dû bist beslozzen in mînem herzen, verlorn ist das sluzzellîn: dû muost ouch immêr darinne sîn.