1 Ghorarūpe mahārāve sarvaśatrubhayankari Bhaktebhyo varade devi trāhi māṁ śaraṇāgatam 2 Om surāsurārcite devi siddhagandharvasevite Jāḍyapāpahare devi trāhi māṁ śaraṇāgatam 3 Jaṭājūṭasamāyukte lolajihvāntakāriṇi Drutabuddhikare devi trāhi māṁ śaraṇāgatam 4 Saumyakrodhadhare rūpe chaṇḍarūpe namostute Sṛṣṭirūpe namastubhyaṁ trāhi māṁ śaraṇāgatam 5 Jaḍānāṁ jaḍatāṁ hanti bhaktānāṁ bhaktavatsalā Mūḍhatāṁ hara me devi trāhi māṁ śaraṇāgatam 6 Vaṁ hrūṁ hrūṁ kāmaye devi balihomapriye namaḥ Ugratāre namo nityaṁ trāhi māṁ śaraṇāgatam 7 Buddhiṁ dehi yaśo dehi kavitvaṁ dehi dehi me Mūḍhatvaṁ cha hareddevi trāhi māṁ śaraṇāgatam 8 Indrādivilasad- dvandvavandite karuṇāmayi Tāre tārādhināthāsye trāhi māṁ śaraṇāgatam 9 Aṣṭamyāṁ cha caturdaśyāṁ navamyāṁ yaḥ paṭhennaraḥ Ṣaṇmāsaiḥ siddhimāpnoti nātra kāryā vicāraṇā 10 Mokṣārthī labhate mokṣaṁ dhanārthī labhate dhanam Vidyārthī labhate vidyāṁ tarkavyākaraṇādikam 11 Idaṁ stotraṁ paṭhedyastu satataṁ śraddhayānvitaḥ Tasya śatruḥ kṣayaṁ yāti mahāprajñā prajāyate 12 Pīḍāyāṁ vāpi saṁgrāme jāḍye dāne tathā bhaye Ya idaṁ pathati stotraṁ śubhaṁ tasya na saṁśayaḥ
Comments are disabled on this song