Тугояковка

Тугая́га – фа кыге́, Ҷа́нҗэк ай нюрба́лба. Тат кадле́л, ку чек тадле́ Өдэп, қай нюрва́тпа? Квэ́лла өтқэт ха́нҗэрнат, Ча́нэгэл өт э̄я, Ҷвэ́ҷэ-на́гэргэт орҳе́ Шынд когу́ хаҷме́я. Ундо́ му́ндэк ка́бэлҗэ – Қай на ҷвэ́ҷэ-на́гэр, Код а̄ э̄ҳа, а̄ коштле́, Кве́җек – код кошта́дэт! Кыге́т па́ргэт па́дэл мо̄ Ша́бгалк шэбэлва́тпа, Важэмба́ арко́к ти̇но́л, А̄ тӓрбле́ пара́тқо. И́лэмбэл өт па́ргэт лэр – Өдэголҗин лэ́ра, Оққэрмы́гэт э́җьла квэнд, Ко́яп ме̄ле ти̇́рэң. Че́лдэл ту́ла ни̇к ада́т Ту́лал кышкаха́йтқо! Кыба́ ня́ргэң че́лэгла – Кагэрва́тку фа́ек! Ми́ӷэн важэмба́ тыка́ Се́гэл ти̇́гэл ху́руп. Өт шорва́тпа, ква́кэлба Тэ́рэутэ, о́рҳул!