Des dapack ih ned Ih soit so allerhand dapacka und um mi rumgschaut werd des wenigste dapackt, wo`s bei meinereiner hoaßn dat, des dapackst scho. Wer sogt des so? So sogt`s kaum oana, des setzt ma so unausgsprochn voraus, des dapackst scho. Es gangat scho no mehr, ah wos ned ois no geht soit. Geht`s no? Ih schau um mi rum und wos geht do ois nimmer, do geht z`oft nimmer wos wirklich geh soit und wos ned geh müassat inszeniert ma mit am Krampf, dass ih mi frog, geht`s no? Des dapack ih ned, wia ma nur sei Leben so für nix verschwendn ko und des Wichtige, s`Grundsätzliche, ned seltn selbst de natürliche Liebe bleibt dahintn. Moi ganz ruhig, ois pack ih ned, aber auf `s Wichtige konzentrier ih mi, des dapack ih und des behaupt ih ah.
