Erya tauressë ornë

Erya tauressë ornë, Erya lassë lasselissen, Erya kirya, i·rya londë Ala hiruva ëarissen Ëanyë sí, an i morna Fëanyassë kálë tinta Nwalya melmë yan i lómë Antanë, arantë, findë. Vanya vendë, vendë linda, Hendu luin’ ailindun Nurtanen ar vanwa lindan Laitalindalë, an indo Tintanë uruita tinwë. Erya tauressë ornë Kaita hyarna, olbalissen Erya lassë lassewintas Hlapu súrinen, ar mistë Lanta kiryan ondolissen Kaita rákina i mornë Hrestassë. I ringulinyat Undumesset núrë lórin. Nienellinen i pendar Enkeluvan háiranórin, Yassë káluvan i vinya Hirien i tië elen Kiryan utúvan i londë. Nai hiruvanyë líri Quentan inyar vinyë lori, An maruvan tassë oio Pella híswa sindanóri, Yassë, lórimar, i mórë Túpa nisima i lónen Tiruvanyë eleninnar, Nillin tiruvanyë voro.