記憶猶新

又坐上飛機　返到熟悉嘅天 一落機　只想見老朋友一面 走返熟悉嘅每一條街 每個轉角　都仲係記憶猶新 便利店　擺位轉變 竟然仲係　同一個人 熟悉嘅一句問候 瞬間就紅哂眼框 紅綠燈　轉幾多次 回憶仲係　咁清晰 奶茶鴛鴦　凍檸茶 一口落去　又記得當時 氣味係　冇有變 只係人　慢慢變老了 沙爹牛　鮑魚火腿通 煎蛋餐肉　配厚多士 行街買衫　左揀右揀 就好似　以前嗰種感覺 天熱爆汗　飲杯冰美式 夜晚就　換返杯熱嘅 望住人群　來來又往往 突然想　時間慢一點 我開始　刻意呼吸 記低　每一種日常 一杯咖啡　一條街 喚醒舊時　嘅回憶 紅綠燈　又轉幾多次 眼淚又喺　眼框打轉 熟悉嘅街　熟悉嘅氣味 只係身邊　少咗啲從前 氣味仲係　冇有變 而我　仲記得嗰陣味 兩個星期　太短 嚟嗰陣　好自然 走嗰陣　亦習慣 原來我　早已接受 喺兩個地方之間 想念　同一種熟悉 又坐上飛機　離開呢片天 望住城市　慢慢變遠 帶走一啡一茶　幾段從前 每一下呼吸　再刻深喺心裏面 氣味仲係　冇有變 而我　已經慢慢變老了 回到熟悉嘅地方 只要一陣風吹過 原來所有既從前…… 依然……記憶猶新。