Fotos am Marienplatz Ham`S de scho gsehn? De sehn ois, de nehma ois mit, ois wos ma sehn ko. Immer wenn ih de seh denk ih ma, wos do ois zum schaun gibt, aber de sehn doch immer des selbe. Wenn`S dann dahoam sand kennan`s song, schaut`s her wos mia ois gsehn ham. Vui von denen wern dann song, ham ma ois scho gsehn, immer des gleiche und wenn mia do sei soitn, mach ma de gleichn Buidl wieder. Ham`S de scho gsehn? Sehenswert sand`s wia des Sehenswerte wos`s sehn, manchmoi macht`s direkt neugierig, wos de ois sehn. Fragt sich nur wia`s des ois sehn. Hauptsach, sie ham a Buidl davo.
