Stroof 1: Et is hallef zehn, die Frau mit d’r Mopp Schrubb de Trepp, janz flöck un topp Dä Pitter bringk de Brüütche noh huss Dä Hannes fluch, sing Frau schwad nur stuss Dä Wolli jeht en d’r Eckkneip erin Dä Manni verzällt att widde d’r selve Drohm Un hä hock im Finster, janz still un alleen Glotz erus, un denk de Zick jeht nit eröm Refrain: Denn söns passeet hee jar nix Et räänt, se loofe, se hetze Un jede Daach es wie dä selve Driss Doch ich stonn hee un glotz, Denn söns passeet hee jar nix Stroof 2: Dä Büdche Jupp määt grad sing Buud op Sibbzisch Johr, die hätt er att drop Die Pänz spille met däm Ball Dä Oskar rööf: „Ihr hatt se nit all“ En Duuv pick op d’r Dönerstand E Fetz spillt mit d’r Hungk am Band De Omma kütt mem Rollator aanjerannt Un hä im Finster denk nur: Refrain: Denn söns passeet hee jar nix Et schneit, se falle un knalle Un jede Daach däselve Driss Doch ich stonn hee un sin se all Denn söns passeet hee jar nix Bröck: Et Lävve jeht vürbei wie ne Film ohne Happy end Mit Sorje, Klüngel, Lück un vill Ping Doch Ich bruch nix, nur ming Plätzje am Finster Met d’r Welt als Theater – all die Lück, all die Jespenster [letzte Strophe] Dä Himmel weed jerade janz langsam ruud Die Trude rööf: „Kumm doch ens erus!“ Doch ich wink nur un jar keen Nuut, Denn hee im Finster, do han ich Jenuss [Refrain, langsam, leise] Denn söns passeet hee jar nix Et Lääve lööf vür sich her Jede Daach däselve Driss Doch irjendwann is Schluss un dat Finster bliev leer Denn söns passeet hee jar nix
