Wos du ois dalebt host Wos du ois dalebt host, do ko ih ned mithoitn, ois normal, keine besonderen Vorkommnisse, es hoaßt, de datst du ned beachten, des wär für di nix. Ih war meistens do, koa große Welt, des hätt ih ma garned leistn kenna, aber do war ih, do hod ma mi kennt, ih hob`s ohne de olle, de überall warn, dahoam echt sche ghabt. Na ih hob ned und no nia den Traumjob ghabt, ih hob ollweil gsogt, nach mir die Putzfrau und des moan ih ned abwertend. Vor na guadn Putzfrau verneig ih mi. Ja ih, ih hob groß gschriebn wia ih mi nenn, aber des war wia a Titel ohne Mittel. Ih hob`s gschriebn und mehr, vui mehr dafür zahlt ois mir wer gschenkt hod, aber ih hob`s ah ausgschlong mei Meinung anzupassen, sozusong salonfähig z`sei und sich ohzubiedern. Wos du ois dalebt host und wos`d ois host, ih hob`s ned und leb ah. Klar, ih hob ah ned de Bildung, berufsmäßig bin ih ned weit kemma und mei bescheidenes Ziel is a Rentner z`wern. Ih sod gern ih wär so a guada Rentner, Ideen hod ih grod gnuag, ah wenn ma s`Geld dazua fehlt. Wos hob ih ois dalebt, ja es is immer hart an da Realität bliem, es war immer sehr erdig, immer sehr begrenzt, oder schener gsogt, ma hod glernt relativ bescheiden z`lebn. Wos host oid dalebt, wos host da ois gleistet und wer bist scho ah? Ih für mi sog trotz allem, ih für mi dank Jesus, dass er mir zoagt wer ih bin und für wos ih überhaupt do bin, und do do bin ih wer, stell da moi vor, mei Nama is bei Gott ohgschriebn. Ih derf quasi ois im Blick auf d`Ewigkeit erlebn, wos is do heut scho des bisserl Bescheidenheit. Ih spar ma`s mit am freudigen Herzen, weil wos ma heut ois dalebn ko is nix gegenüber dem wos ois no kimmt. Ih war immer do und für vui vielleicht ah für de grod wegen diesen Worten a Spinner, so a "Ah der Typ". Dieser Typ der ih bin gönnt jedem ois und freut sich an jedem der mit auf dem Weg zum Vater durch Jesus is. So so, so is des, die Welt eines Christen kennt die Unendlichkeit, ah wenn ma aus seinem Gai nia groß rauskemma is.
