Moi ganz ruhig - 02.07.2009

Moi ganz ruhig Wos ko ma scho dareicha? Dareicha ko ma vui, ma ko der oder der wern, dann songs, der hods dareicht. Aber dem reichts doch ned, do is immer no des wos unerreicht is und so ko ois Darreicha ah ned hinreicha, dass mas darreicha kannt. Guad song d`Leut, dann is des auf m Weg Sein zum Dareicha des Dareicha an sich. Moi ganz ruhig, nix werds Dareicha bringa, koa Weg, koa Erfolg und ah des Nixdoa ned. Wos ko ma dareicha in na Welt, in der ma do sei muass um überhaupt aufschaun z`kenna und zuaz`gebn, es hod oana dareicht wos mia als Menschen nia dareicha kennan?