Vui Farb Vui Farb, um nur ned schwarz-weiß sehng z`müassn. Vui Farb, aber nur koa Kreide fressn. Es kimmt scho blumig, wenn ma ah nur Ja oder Na song mecht. Vui Farb, sogar Leichen ko ma bunt ohmoin und so doa als ob`s no Leben hättn. Im Tod is ma lang no ned gleich, spätestens bei da Auferstehung scheiden sich die Wege. Vui Farb, macht no lang koa bunte Zukunft und d`Vergangenheit werd rosarot ah ned schena ois wia`s war. Vui Farb, d`Natur macht`s vor, ah wenn`s farblich laufend Unterschiede gibt.
