S`Glump Sovui Glump, a varreckts Graffe songs. Ih hob scho sovui Glump in meim Leben dalebt, dass ma sich oans wünscht, koa Glump mehr. Mei Oma hod scho gsogt „Mia sand arme Leut, wos Billigs kennan mia uns ned leisten.“ Koa Glump mehr, aber dafür weniger. S`Glump hod so a Eigenschaft, des vermehrt sich ohne großes Dazuadoa, S`Glump suacht sich oft zum Glump, in da Mehrzahl ko ma`s ah s`Graffe nenna. S`Glump sperrt sich, s`Glump macht sich schwar, s`Glump legt sich mit deiner Zeit o. Naus damit, wia erleichtert ma doch is wenn s`Glump draußn is, aber bis draußn is..., davo ko ich bestimmt ned alloa ah Liad singa.
