Heut für heut Heut für heut sand de Leut ganz andere Leut. Die Leut von heut zu beschreiben is a Sach, denn de Leut de ma beschreibt sand ned olle Leut, do gibt`s no ganz andere und de Leut song nacha, wen beschreibt der do? Mia sand doch ned de Leut, mia sand Leut und sand so und so, aber doch ned so. Und wärn ma so, dann wärn des nia mia. Mia sand de Leut von heut und ganz ganz anders. Die Leut von heut... ...ma geht auf am Weg, auf dem zwoa Leut nebnanand Platz ham, ma geht und oam kemman zwoa junge Leut entgegen und de schaun wia an oam vorbei oder gar in d`Luft oder in Bodn nei. Ma kimmt sich näher und de bleim stur nebnanand. So sand d`Leut, wenn`S verstehn wos ma moant. D`Leut sand mehr und mehr Leut nur für sich. Nur für sich? Sand des de Leut von heut?
