Cabadbaran, Cabadbaran Ania ka niining dughan Dili ka nako pasagdan Pinangga kong Cabadbaran. Kinsa bay di mahigugma kanimo? Sa sinugdan pa lang giamuma mo ako Imo kong giduyan-duyan, sa kalipay imong gilumsan Way problema nga dili mo kabadbaran. Sa baybayon mo nga pwerte gyung nindota Sa bukid Hilong-hilong nga labihang habuga Busog gyud ang mga mata sa kaanindot ning dapita Pakapinan pa sa daghang mga gwapa Cabadbaran, Cabadbaran Ania ka niining dughan Kanunay ka nga duyugan sa gugmang way kinutuban Sa Dios dili ka pasagdan, Cabadbaran Hugot gyud ang akong pagtoo kanimo Pagkamaabi-abihon sa mga tawo Sa pista walay magutman tungod kay ang tanan maatiman Daghan kanimo bulahan, Cabadbaran Ampay namo ang imong puto maya Parisan sa sikwating pwerteng lamia Kung Cabadbaranon ka ayaw kalimot ning dapita Kapasigarbo mo gayod bisan asa. Cabadbaran, Cabadbaran Ania ka niining dughan Kanunay ka nga duyugan sa gugmang way kinutuban Sa Dios dili ka pasagdan, Cabadbaran Cabadbaran, Oh Cabadbaran Ania ka niining dughan Kanunay ka nga duyugan sa gugmang way kinutuban Garbo ka sa Agusan, Cabadbaran.
