Wieder koa Krimi Ih bin ja gewissermaßen ein Krimiliebhaber, am liebsten a Serienkrimiliebhaber. Oh mia kanntn uns stundenlang über Krimis unterhoitn, Sie datn staunen, wos ih do ois kenn. Ih bin ah a Freund der bayerischen Krimis, es muass ja ned grod so blutrünstig sei, da bayerische Krimi is quasi da spannende Heimatfilm und des mit bayerisch hintergründigem Humor. Ja mia dat scho ah a Stoff für an Krimi im Hirn rumgeistern, aber ned so a Krimi wia Sie`s dawartn datn. Do, da Möder oder da Täter, es gibt ja ah bloß Raub oder andere Untaten, es muass ja ned immer der klassische Mord sei. Auf da andern Seitn da Ermittler, der immer da Schlauere, da Coolere sei soi, nicht mal einen Mentalischen dat ih bietn, ah koan Monk der grod durch so sei introvertierte Art mitnimmt. Mei Ermittler sand mia alle, mei Opfer sand mia selber, Sie und mia alle. Ih moan, mia lebn in am Krimi, mia steckn gwollt oder ungewollt, gewählt oder nicht zur Wahl gegangen, olle mittendrin. Oh nein, ih fangat ned mit einer Einstellung oh, de Sie alle kennan, wia is wos passiert? Es gibt ah ned de gefühlsduselig erzählte Geschichte der teilnehmenden Akteure, Opfer, Täter und so weiter. Na mia kennan uns selber doch ganz genau. Vom End her ohfanga, des wirkt ah ned überzeugend, dann stelln sich die Sheriffs unter uns hin und sogatn, mia ham`s ja immer scho gwusst. Na na, mia sand mittn im Verlauf der Geschichte, die Geschichte, verstehn`S? Die Geschichte mit uns, um uns, die hat Kriminalität. Das stimmt auf den Punkt. Ok, wir werden betrogen und belogen, es werden uns falsche Tatsachen vorgehalten. Man hat uns in einem räuberischen Akt, ja mit langer Planung das Geld abgeknöpft und jeden Zeugen des Verbrechens beiseitegesetzt oder leichtestenfalls mundtot gemacht, vielleicht sogar für verrückt erklärt. Und das Opfer scheint auch noch unter Gedächtnisschwund zu leiden, oder wie nennt man den Täter-Opfer-Solidaritätskomplex? Er hat es halt nicht anders machen können, es is halt ned anders gegangen, ma hod nix macha kenna. Das Opfer, denken`S ans Mia, mia werden auch zu Tätern und sind es auch geworden. Na na, ih und a Krimi, ih hab ah moi a Ritter Zyklus Gschicht gschriebn, jeden Mittwoch, Ritter Hektobert und sei Familie, des wär mia vui lieber als an Krimi z`schreibn. Unsern Krimi, den ma derzeit durchlebn, erleb ih sehr offenen Auges und denk ma, ja wia kemma de und mia bloß davon? Mia wern, wenn ma`s überlebn, recht bled dreinschaun und wenn`s jetzt schaun und frong, wos ih do bloß maon.. Ja wos moan ih? Ih moan, denken` S moi an sich selber, Täter oder Opfer, oder oiszwoa?
