Solang`d nichts bist Solang`d nichts bist host an Vorteil und zwar dass`d experimentiern kost, ohne dass`d dafür glei niedergmacht werst. Solang`d nichts bist, kost so doa als ob und de Rolle scho moi einnehma, de da zuaschreim datst. Solang`d nichts bist, bist mehr für`s Leben geeignet um davo zu redn wos dene de nichts sand ohgeht. Solang`s nichts bist hoaßt`s sich rohoitn und fleißig sammeln wos des Nichtssein ausgmacht hod. S`Nichtssein derf no solang dauern bis des Sei mi`m Wer sein ohgeht. Hoffentlich geht ma damit ned badn, wenn ma ah no so ah Sommerfrischler is.
