Nimmer kenna Sie kennan oan nimmer, sie dern so als hättn`s oan no nia kennt. No nia kennt ham`s oan, des stimmt wahrscheinlich ah. Sie sand jetzt wer und do kennt ma de nimmer, de ma nimmer kenna soi, wenn ma bekannt bleim mecht bei dene, de oan unbedingt kenna soin. Soin`s oan nimmer kenna, des glangt scho, wenn ma`s kennt ham wia`s no ned so hoch herganga is. Aber do war hoid ois no so anders und heut kennan`s oan nimmer, weil`s so anders gworn sand. De andern, song`s, wenn`s oan grod no als Menschen sehng.
