Da Glaube an de Menschheit Da Glaube an d`Menschheit ko da vergehn, wennst da Menschheit hinterdrei schaust oder ah paar Meter nachspazierst. Ah Glaube an ah Menschheit muass enttäuscht werden. Ende der Täuschung, do braucht ma gar ned so überrascht doa, des is scho so. Die Menschheit täuscht bevor`s enttäuscht werd. Sie und ih, mir sand auch Menschheit und wenn Sie moanan, dass Sie no neamand enttäuscht ham, bin ih ned getäuscht, weil so an Schmarrn glab ih ned. Den Schmarrn ko nur oana glam, der idealerweise no ned realisiert hod, dass da Glaube an de Menschheit da Menschheit schodt wia sonst nix. An wen ih glab? An oan, den`s Menschensohn gnannt ham.
