Von Haus aus gut? Wia schaut`s do drinna aus? Do drinna sogt ma, do is no ois so wia`s sei soi, ma müsst nur dro glam. Da Mensch sei von Haus aus gut, sagen`s und sie behaupten, er kannt scho, wenn er nur mechat und ma`s eahm bewusst machat. Aber der Mensch hod imma an Grund. Der Mensch schlogt wieder und wieder drein, wia de ganze Geschichte imma so a Dreinschlagen und a Blutvergießn war. Aber gut is er von Grund auf, sagen`s. Is einmal nach außen hin ein Zeiterl ruhig, reden`s vom enormen Schub, den de Menscheit macht. Do drin, des siehgt ma ja ned immer glei so offensichtlich. Nährt des den Humanismus, der fast liturgisch obezelebriert werd und an den guten Menschen wie an einem Dogma festhält. Wia schaut`s do drinna aus, do drinna siehgt ma nur wos ma in sich selba ah siehgt. Wer ko sich hinstelln und sich wirklich guten Gewissens auf die Brust schlong und behaupten, do drinna, do wohnt da gute Mensch, der do, der von Haus aus gute, edle, ma muass nur des guade wecken und entfachen? ...dann is die Menschheit no nia aufgwacht.
