So weit kimmt`s no So weit kimmt`s no, ja so weit wenn`s kimmt, dann wui ih so weit kemma sei, dass ohne mi weiter kimmt als dass so weit kimmt und ih do sei müsst. So weit kimmt`s no und es is scho absehbar. So weit wenn`s kimmt, dann is weit kemma, do song mia „Wia hod`s so weit kemma kenna?“ So weit wenn`s kemma is, dann sand mia weit kemma. Aussichtslos wenn dann oana sogt „Dann muass ma den Finger drauf leng und song, „du, ja du host as ja ah mit so weit kemma lassn“ So weit kimmt`s no, dass ma sich ah zwecks seiner Passivität entschuldigen duat. Es is hoid so weit kemma.
