Muass ah gebn Wos ois gebn muass. Ja muass des ois gebn? Wos ned ois gibt. Wos ois gebn muass, ja muass des gebn? Gab`s as ned, müasst ma`s doch ah ned ham. Wos ois gebn muass, mein Gott, ma moant so vui ham z´müassn. Und hod ma`s, frogt ma sich selbst, ob`s des braucht hod. Muass ah gebn, weil ma moant, jeder Neigung entgegen z´kemma. Wos ois gibt, guad dass ma ned ois woaß wos wirklich gibt. Do dat ma ernsthaft song, wos ois gebn muass, aber solang`s ned mi betrifft… Wos ned ois gibt.
