Saure Gurkenzeit Koa Zeit um Gurken sauer wern z`lassn. Welche Zeit mog des sei? Saure Gurkenzeit, Zeit in der nix los is. Sehnsucht nach solcher Zeit, aber sauer braucht`s ned sei, eher süß und lustig. Langeweile ghört zur sauren Gurkenzeit, selber schuld wenn d`Langeweile langweilig is. Sinnige Langeweile ko Erholung sei, Erholung von ollweil mehr, höher und no besser oder sonstwos sei z`müassn. Na oiso in dem Fall nenn ih mi, ih werd mi bemühn und verteidigen meine bewusste Langeweile, de ich gern hätt, weil wos Erholsameres ko ih ma gar ned vorstelln und inspiriern duat`s obendrei. Ih dat song, moi saure Gurken dazua essn.
