Sauwetter So a Sauwetter und ma ko nermand am Krawattl packa, ma ko ja ned song, du bist schuid. Sauwetter! Aber es gibt ollweil no so Narren de song, es werd ja deutlich wärmer. Danke, Sonne entfach doch moi wieder a bisserl an Sturm auf deiner Oberfläche, huast moi wieder nei ins All. Sauwetter elendigs! Kälter wernd`s, wos ham woi de Menschen im Jahrhundert der kloanen mittelalterlichen Eiszeit dacht? Gwiss ned an de Kutschen und Fuhrwerke, de domois no richtige PS ghabt ham, de ham eahna Hoiz eigschürt und de Kühe ham`s hintnaus kracha lassn. Sauwetter und unser heutiges Ablasssystem, vor dem selbst de Kirch erblasst, funktioniert. Heut denkt ma eher ans Platzlbacha als an Seefreuden. Ih denk tatsächlich, es werd doch ned de feuchte Quittung für unsere ideologischen Lügen sei. Ideologie is ja immer a Lüge. So a saudumms Wetter!
