Irgend a kloana Titel Nacha nimmst`n hoid, wenn da sonst nichts eifoit. Oh ha, do foit grod gnuag ei. Welchan Titel hätt ma jetzt? Titeln gibt`s wia Sand am Meer, irgendoana geht ollweil her. Titeln, wos song`s scho? Ih hob koan Titel und in da Arbat kimm ih glei titelmäßig vor`m Lehrling und da Putzfrau. Wobei ih hohe Achtung vor meim griechischen Putzmo hob. Welchan Ttitel nehm ma jetzt, jetzt sofort? Irgend a kloana Titel, mei ih dat ganz spontan song „Zeit lassn“ und den Titel kannt ma ah „Gnädiger“ nenna. Wos sonst no eifoit? Manchmoi nichts mehr, wenn ih de titelbeladene Hetze durch unsere Gesellschaft daleb.
