Da Hams Da Hams is gstorbn, koa Trauer. De Hams gibts so vui, de sterbn ned aus. De trauern ned um oan Hams. Aber wos hams gschimpft und glacht übern Hams. Wos hams ned ois gredt übern Hams. Hams dies, hams des, da Hams war da wichtigste hams gsogt. Mei de Hams ham uns so lang begleitet. De Hams ham überall glebt und koana hod den Hams so richtig zu Gesicht kriagt und immer hod da Hams Recht ghabt. Nur wenn er sich geirrt hod hams gsogt, ja mei, jetzt ist ois anders. Da Hams, glab ih is jetzt gstorbn, glab ih, weil du herst nix mehr von dem Hams. De Junga ham erm gar nimmer kennaglernt. Der is ausgstorbn, ih glab fast mit de letztn Bayern is er ausgstorbn. Ah wos, Sie hams, der lebt no. Wo ham mas denn, de Hams? Wo sands denn?
