Hupf-Elefant Mia sand koane Viecha, und wenn`s uns ah olle Welt einredn mecht. So wia ah koa Viech a Mensch is. Ih kenn Leut, de benehma sich als wärn d`Viecha Menschn und genau aufpasst, liebn`s de Viecha mehr wia d`Menschn. Vonwegen mia stamma vom Tier ab, ah ja zum Rechtfertigen von allerhand tierischen Verhaltens mog`s geltn, aber mia ham wos, wos d`Viecha ned ham. Ned seltn denk ih ma, immer mehr Leut ham den Verstand gar nimmer, aber zum Glück ko da Mensch um sei Dummheit rumspringa. Übrigens der Elefant ko des ned, jawohl der Elefant is des oanzige Säugetier des ned hupfa ko. Wia unwichtig is des doch und doch, da Elefant ko ah ned von uns denkn,. wenn`s so weiter rumhupfan verkennan`s no des Denken. A tierisch viechischa Gedanke.
