Unglück über Feldmoching A bleder Spruch. Meim Spezi, am Helli, sei Bua sogt allwei, wenn a sich ärgert oder wundert, „Unglück über Feldmoching.“ A bleder Spruch. Meim Spezi, am Reinhard, ham`s in Feldmoching an Führerschein zwickt. Selber schuid, ohtrunka fahrt ma a ned Auto. Ünglück über Feldmoching, sogt da Florian. Da Reinhard hod auf d`Polizei gschimpft, huift nix, Radl- und S-Bahnfahrn is gsund. Feldmoching werd`s überleben. Aber wia kommt ma bloß auf so an Spruch? Unglück über Feldmoching. Ih kenn an Feldmochinger, Didi der Rennradler. Er is a österreichisches Original in jeder Hinsicht. Da Didi dat song, Feldmoching is ned unglücklicher als der Rest von München. Wobei er bestimmt anhängen dat, laut der Quantentheorie... Glück über Feldmoching. Des werd ih an Helli seim Bua song. Wos er von dem Spruch wohl hoid? Weil Feldmoching is mir zu nah an Oberschleißheim. Oh Oberschleißheim, Unglück oder Glück? Stad bist!
