A einfachs Gschäft A einfachs Gschäft, wie bewundernswert, wenn ma ah einfachs Gschäft no macha ko. Ned dass ma ned moana soit, ah einfachs Gschäft machat ned vui Arbat, aber des Gschäft is no z`macha und ma ko ah ned triebn wern von no mehr wos ma leistn soit. Des einfache Gschäft lasst vui ned zua und am wenigsten de Gscheidn de moanatn, auf n Sitz soit ma dreißig Prozent mehr umsetzn. Des is da Reiz an am einfachn Gschäft, do lasst sich ned aus Launen heraus ois total umkrempeln um no mehr Krempl unter d`Leut z`bringa. Ah einfachs Gschäft von dem ma lebn ko, des wär da Traum von so vui Leut, grad heut wo die Kirschen so unerreichbar hoch hänga, wo immer weniger ganz einfach higlanga kenna. Ganz einfach, groß gnuag muass ma sei.
