Do is er gsessen Ham`S den gsehn? Do drüben, glei do hinten is er gsessen. Sie, der is wirklich so wia ma eahm ah sonst sieght. Do drüben is er gsessen, wahrscheinlich dat er sich wieder do hisetzen. Mei, wia soll ih song, do is er gsessen, wia ma`n kennt, der sitzt genauso wia ma eahm kennt. Nicht eingebildet, nicht überspannt und der is ah ned amoi so groß wia ma glauben könnt, fast wia a normaler Mensch. Er is einfach do reingekommen, hod sich do drüben higsetzt und wia der scho de Karten gnomma hod und dann hod a gsogt...Wos hod a glei wieder gsogt? Ach ja, er hod gsogt, a Frühstück mit am weichen Ei. Ma glabt`s ja kaum, der hätt ja ah in a anderes Cafe gehn können, aber na, er kimmt zu uns. Des wern mia nicht vergessen, do is er gsessen. Er hod dann ah no gsogt, auf Wiedersehn. Und wia der ganga is. Mei, hoffentlich kimmt der moi wieder. Ham`S den im Fernsehen scho gsehn, genauso schaut der in echt ah aus, wia a Mensch aus Fleisch und Blut. Ja mei, ma erlebt hoid ned jeden Tag so an Promi. Do drüben, ih sog`s eahna, do wenn ma jetzt vorbeigehn, egal wer jetzt nacha dort sitzt, song ma, siehgst, do is doch der Sowieso ah scho gsessen. Des dern mia nicht mehr vergessen.
